@ 
荃灣青年發展及公民教育委員會各委員尋日（6/3）於委員會會議後，到訪屯門青山醫院。荃灣民政助理專員張澤豪、委員會主席呂志宏及各位委員參觀「精神健康體驗館」，透過導賞及互動體驗，深入了解精神健康相關知識，並從不同角度認識精神病患者於日常生活中所面對嘅挑戰。大家都非常投入參與，活動氣氛輕鬆又充滿交流！
「精神健康體驗館」係透過多元化展覽同互動設施，讓公眾更全面認識精神健康議題。體驗館設有5個展區，介紹香港精神科服務發展嘅歷史、腦部與精神病嘅關係、不同精神疾病嘅治療方法，以及康復者嘅分享故事，內容豐富而具啟發性。
當中最特別嘅係4個VR虛擬現實互動體驗，模擬精神病患者於日常生活中可能遇到嘅情境，讓參加者以第一身角度感受佢哋面對嘅困難。青年委員於體驗過程中都十分投入，亦從中更深刻理解精神健康嘅重要性。
喺活動最後嘅分享環節，青年委員踴躍交流參觀感受及生活經歷。大家都希望透過今次參觀提升社區嘅精神健康嘅關注，並鼓勵大家多關心身邊朋友同家人，一同建立更關愛同包容嘅社區。
