@ 
3月10日呢個星期二，荃灣警署迎來咗一群特別嘅小訪客——就係仁濟醫院羅氏基金護幼中心暨宿舍嘅同學仔！佢哋個個精神奕奕，帶住好奇又期待嘅眼神，展開咗一場充滿笑聲同發現嘅警署探索之旅。
活動一開始，同事們已經喺門口迎接呢班可愛嘅同學仔，仲帶佢哋走入平時好少見到嘅「訓示室」。小朋友睇住牆上嘅警徽、聽着日常指令嘅流程，個個都豎起耳仔，專心到不得了！之後仲有機會近距離看到真嘅巡邏裝備，坐上警車同型格嘅警察電單車，成班同學仔都好興奮，笑聲響遍成個警署～
除咗體驗警察日常工作，仲特別安排咗一個小環節，同同學仔一齊認識國旗同區旗嘅故事。透過互動講解，小朋友慢慢明白旗上面每一粒星、每一道圖案背後嘅意義，仲一齊企定定向國旗致敬，從小培養對國家嘅歸屬感同尊重，場面簡單而真摯。
臨走前，仲送上荃灣警區限定紀念品，每一位同學仔都笑住收下。呢一份單純嘅笑容，係我哋最大嘅動力。
今次探訪，唔單止係一場參觀，更係一次心與心嘅交流。透過近距離接觸，小朋友對警務工作多咗一份了解，而我哋亦從佢哋身上，感受到社區最純粹嘅信任同溫暖。
荃灣警區會繼續用行動走進社區，同唔同群體建立更深厚嘅連結，特別係有需要嘅弱勢社群。因為相信，每一個小小嘅互動，都可以成為共建安全、共融社區嘅基石。
