@ 
為咗加強荃灣區內唔同社群共融 同埋聯繫，8月23日邀請咗一班荃灣居民，包括2位荃灣區區議員：劉松剛同華美玲，以及愉景關愛隊隊長羅嘉團 ，另外仲有愉景關愛隊隊員、少數族裔家庭同埋一眾少訊成員到訪荃灣警署。佢哋除咗參觀警署外，又可以親身體驗接觸前線警務人員嘅裝備以及了解唔同嘅部門 。
但你以為負責講解嘅人員係現任警察 ？
其實講解唔同範疇嘅係由16位有份參加少訊領袖先鋒課程嘅少訊成員負責，佢哋經過2個月嘅訓練，已經對警察日常工作事務加深咗認識 ，所以喺講解過程中亦可以發揮得淋漓盡致 。除此之外，我哋仲安排咗一個話劇表演 ，希望以短劇形式教育大家切勿輕易相信陌生人及接觸毒品 ，以免墮入不法分子入圈套 ，成為下一個受害者 。
最後，由荃灣警區指揮官羅家康總警司向16位少訊成員頒發少訊領袖先鋒訓練課程完成證書 之餘，更勉勵一眾少訊成員及其他荃民繼續為荃灣區服務，與警察有更進一步緊密聯繫 ，攜手撲滅罪行 。
