@ 
荃灣區撲滅罪行委員會聯同荃灣警區及荃灣民政處，喺13/3嘅荃灣區撲滅罪行委員會會議上舉行「2024-2025年度荃灣區優秀保安人員頒獎禮」，表揚一眾優秀保安人員喺日常工作中展現高度責任感同專業精神，並肯定佢哋對提升社區安全、樓宇及設施管理水平所作出嘅貢獻。
得獎保安人員發揮高度警覺性同專業判斷力，喺不同事故及案件中積極協助警方維持秩序同拘捕涉案人士。保安人員全天候提供服務，隨時候命，係防止罪案同意外嘅重要後盾。
荃灣警區指揮官羅家康、荃灣滅罪會主席羅少傑同工作小組召集人嚴徐玉珊，向8名荃灣區優秀保安人員頒發獎項，肯定佢哋嘅努力，亦多謝佢哋同警方一齊守護社區安全。
委員會希望透過嘉許表現突出嘅保安人員，鼓勵業界持續提升服務質素，同時推動更多市民同警方及保安從業員緊密合作，共同打擊罪案，建設更安全嘅社區，合力築成堅實嘅「安荃網」 。
