@ 
東區青藤勇敢接受挑戰，裝備未來
第10屆東區青藤學員日前（21-23/8）去咗西貢大網仔香港外展訓練學校參加3日2夜外展訓練課程。
挑戰無極限！首日就由專業導師帶領學員挑戰膽量，克服恐懼跳碼頭，標誌佢哋全身投入展開課程。除咗考驗膽量嘅訓練，佢哋仲要划獨木舟及健行運送裝備到小島上，學習野外求生技巧。透過團隊合作大家互補不足，成功喺戶外扎營同生火煮食，露宿郊野，並喺篝火晚會中互相鼓勵，建立真摯友情同團隊凝聚力 。呢啲非一般體驗，真係畢生難忘！
東區民政專員陳尚文、香港外展訓練學校行政總監Nick Cotton 同埋藤絡師兄師姐23/8亦親臨訓練學校出席課程第3日嘅畢業禮，見證學員喺訓練營提升自信心、責任感、領導才能同團體合作精神嘅成長歷程。專員欣賞學員勇敢面對挑戰，克服重重難關，期望佢哋自強不息，繼續裝備自己，貢獻社區。實踐青藤格言「助人自助，磨練自己，回饋社會」嘅精神！
