@ 
由南青鋒主辦、南區民政處同南區青年發展及公民教育委員會協辦，同時獲民政及青年事務局 Home and Youth Affairs Bureau同公民教育委員會贊助嘅 2024南區「青於南」學生大使計劃圓滿結束！
民政總署署長張趙凱渝、港區全國人大代表朱立威、立法會議員陳家珮、署理南區民政專員陳芷羚、南青鋒主席兼南區區議員李嘉盈等一眾主禮嘉賓24/8到場支持並頒獎畀各位同學。一眾同學把握機會向嘉賓分享佢哋嘅短片作品同得獎感受！最後仲即席表演跳舞，邀請埋嘉賓一齊唱歌！
署長勉勵青少年要關愛社區，同時好好鍛鍊同增值自己，向理想目標進發，仲鼓勵佢哋報名參加第七期「青年委員自薦計劃」，參與公共服務，擴闊眼界！
作為「青年節@HK」嘅活動，新一屆嘅「青於南」計劃節目豐富多彩，包括夏令營、高空歷奇活動等，讓青年挑戰自我，培養勇氣同團隊合作精神。另外，亦安排參加者到護老院探訪，佢哋透過精彩表演同簡單遊戲，同老友記歡度咗一個下午。回饋社區之餘，仲可以培養關愛精神。大會更安排咗護理工作者同社工講解分享更多與長者相處、照顧長者嘅知識。
為配合「無處不旅遊」，計劃早前亦舉辦南區城市定向，加深參加者對南區嘅認識，行吓感受吓南區各特色景點。雖然天氣熱辣辣，但都熱唔過參加者滿腔熱誠，佢哋唔怕辛苦咁走遍整個南區，喺唔同地標留下足跡！佢哋都表示好難得有機會參與南區深度遊，仲話會介紹朋友嚟南區旅遊玩樂！
#青年節 #YouthFestHK #南區民政處 #南青鋒 #南區青年發展及公民教育委員會 #青出於藍青於南 #無處不旅遊 #青於南學生大使計劃 #民政幫到你
