@ 
昨日3月22日，一班荃灣耆樂警訊「老友記」嚟到啟德體育園 。
究竟做啲咩呢？ 原來佢哋參與由香港中樂團首次舉辦嘅「國際笙簧節2026」，以千人共奏笙簧嘅壯觀場面，打造全民參與嘅笙樂馬拉松活動，齊齊挑戰健力士世界紀錄。
為咗今次演出，30名老友記喺專業樂師指導下學習吹奏笙簧，小編見到大家全程投入、積極練習及彩排，經過三個多月嘅努力，而家個個都可以吹奏出一曲悅耳動聽嘅樂章。
今次活動仲會進行全球直播 ，將大家嘅熱情同堅持傳遞到世界每一個角落，同各地觀眾一齊見證創造世界紀錄嘅光輝時刻。
荃灣耆樂警訊一直致力為長者舉辦多元化活動，等大家老有所樂、老有所學，一齊為老友記打氣，見證呢個難忘嘅里程碑啦。
