@ 記住：真正專家，從來唔會靠白撞訊息拉客。信錯只會招來無妄之災。
一名 66 歲退休老友記，喺 2025 年9月 Whatsapp 收到白撞訊息，有個自稱「虛擬貨幣投資專家 」嘅騙徒話可以教佢投資虛擬貨幣，穩賺。老友記信晒，將$140 萬港元交俾對方。結果，存咗虛擬貨幣入騙徒戶口之後，「專家」就消失咗，老友記先知道被騙，於是報警。
但老友記唔甘心上網再揾「虛幣專家」幫手，誓要追番損失，「專家」話無問題，但交 $60 萬做保證金。老友記又信咗，再轉錢，「專家」又消失，老友記知道被騙，於是報警。
今年一月，再有另一個「虛幣專家」主動透過WhatsApp聯絡老友記話可以一次過幫佢追番之前兩次損失。條件係要買 $460 萬虛擬貨幣，再存入指定虛擬貨幣戶口。老友記按指示操作後，「專家」又又消失，知道再次受騙，老友記報警求助。
短短半年老友記信咗三次騙徒，痛失$660萬，多年積蓄付諸流水。
守網者提醒：
無人可以保證幫你追回損失
「保證回本」、「內幕消息」全部高危
唔好將錢或虛擬貨幣轉入陌生人戶口
被騙之後再有人主動話幫你追回錢？一定係連環騙局
@