@ 
九龍城素有「小泰國」、「小曼谷」嘅美譽，係香港最具代表性嘅泰文化聚集地。今年由九龍城民政處、九龍城區議會、九龍城區各界慶典委員會同九龍城工商業聯會攜手舉辦嘅「龍城美食潑水『泰』繽紛2026」 ，將會喺 11/4（星期六）同 12/4（星期日）於 九龍城賈炳達道公園足球場舉行。
活動內容豐富，包括泰國特色市集、潑水體驗、泰拳比賽、泰式表演同泰國服裝體驗，讓市民同旅客深入了解泰國新年文化，親身感受多元文化交匯嘅魅力。
今日（27/3），「龍城美食潑水『泰』繽紛2026」活動發布會喺九龍城廣場順利舉行。九龍城民政專員蔣志豪及泰國駐香港總領事Mr. Chaturont CHAIYAKAM到場主禮，與嘉賓同傳媒朋友一齊欣賞泰式舞蹈表演，為活動揭開序幕，氣氛熱鬧。
