@ 
由葵青民政處及葵青區青年發展及公民教育委員會主辦嘅「葵青區青年匯演暨葵青區中學文學節頒獎禮」已於21/3圓滿舉行。今年活動以「宇宙銀河」為主題，寓意每一位青年都好似夜空中嘅星星一樣，各有光芒、各有特色。浩瀚銀河象徵無限可能，亦照亮青年於文學、藝術與舞台上勇敢追夢、盡展才華嘅青春身影。
星光舞台 青春綻放
活動當日，樂隊演唱、無伴奏合唱、舞蹈等精彩表演輪番上演，仲有青年分享日前參觀創科企業嘅學習成果。台上每一份投入、每一個節拍，都展現出葵青區青年朝氣蓬勃、多才多藝嘅一面，讓現場觀眾感受青春嘅熱情與光芒。
墨香流轉 成果結集
活動除咗回顧過去一年委員會舉辦青年活動嘅精彩時刻，亦舉行首屆「荃葵青區中學文學節」頒獎禮及新書發布會。文學節以「銀河傾瀉詞華，萬古星芒」為題，獲獎作品結集成《山海紙語》文集，記錄青年對生活與社區嘅細膩觀察同真摯感受。
寄語未來 勇敢追夢
葵青民政專員梁乘龍致辭時表示，青年係香港嘅未來，亦係社會發展嘅重要力量。隨着國家「十五五」規劃開局，青年將迎來更廣闊嘅發展空間。未來，葵青民政處及委員會將籌劃更多緊貼國家發展脈搏嘅青年活動，讓青年盡展潛能，拓闊視野，勇敢追夢！
@