@ 
由西貢區體育會主辦、西貢民政處、康文署協辦嘅 「慶祝中華人民共和國成立75周年西貢區快樂體操啦啦隊比賽暨學界啦啦隊錦標賽」 尋日(25/8) 喺坑口體育館圓滿舉行。
今屆賽事有超過400位青年朋友參加，包括幼稚園學生，亦有嚟自澳門大學嘅學生組隊參加，同場互相切磋，場面熱鬧！西貢區體育會榮譽贊助人吳仕福、主席麥顯坤、會長張萬添，聯同到場支持嘅西貢區議會議員、西貢民政處、康文署西貢區康樂辦事處、西貢區鄉事委員會、坑口鄉事委員會代表，與一眾得獎隊伍合照 ，並頒發獎項畀參賽隊伍。
體操啦啦隊運動結合體操、跳躍、特技、口號及舞蹈編排。其中前空翻、雙重跳，雙鉤等高難度動作，除咗講求身體柔軟度、平衡度、靈活度、跳躍力外， 隊員間嘅信任、默契同合作精神亦不可或缺🤸🏼️。 雖然參賽隊伍只有短短幾分鐘時間完成整套動作 🤸🏻️，但佢哋付出咗超過百分百嘅努力同心血，編排獨特動作及舞蹈，成績有目共睹 期待各參賽隊伍喺未來日子繼續帶來創新舞蹈
