@ 
春意盎然，百花爭艷，正係賞花好時節！
日前（20/3），荃灣區多支關愛隊齊齊出動，帶領一眾來自區內嘅綠化義工及街坊前往維多利亞公園，參與一年一度嘅香港花卉展覽。荃灣民政專員區家盛及多位區議員亦親臨現場支持，與街坊一邊賞花一邊暢談，氣氛熱鬧融洽，其樂融融！
今屆花展以高貴優雅嘅紫羅蘭為主題花，並以「花語尋『香』— 細味城市特色」為主題。參加者興致勃勃，紛紛與各個主題花圃合照留念。
當中，由荃灣區精心打造嘅園圃「花海橋語」更係人氣爆燈！ 街坊見到屬於自己社區嘅作品如此精緻，紛紛豎起大拇指，並於花海前留下最美倩影。
荃灣區關愛隊會繼續努力，發揮聯繫社區嘅橋樑作用，繼續關愛市民，帶領市民參與更多精彩活動，共建溫馨和諧嘅荃灣！
