荃灣民政專員兼荃灣區議會主席區家盛、屯門民政專員兼屯門區議會主席關可臨、署理離島民政專員兼離島區議會主席莫望塵、西貢民政專員兼西貢區議會主席馬瓊芬和北區民政專員兼北區區議會主席賴子堅,今日(23/8)分別帶領當區區議員 ,參觀位於 香港歷史博物館嘅國家安全展覽廳 ,了解國家安全嘅重要性。
專員同區議員跟隨導賞員,參觀展覽廳嘅 大展區。展區介紹中華人民共和國嘅成立、國家象徵標誌嘅設計、「總體國家安全觀 」20個安全領域、「一國兩制」及香港維護國家安全法律等豐富內容。場內亦設影院播放短片,畀大家回顧中國近代史同認識國家安全嘅重要性。
展覽廳亦有多個富有意義嘅展品 ,例如《香港國安法》頒布實施當日喺天安門廣場飄揚嘅國旗、《開國大典》油畫嘅複製品、長征五號B運載火箭嘅模型 等。大家一致表示,今次參觀獲益良多,深化對國家安全嘅認識外,亦有助喺區內推廣國家安全教育 及國民身分認同 。
國家安全展覽廳免費開放畀公眾參觀,大家都可以透過多元化嘅展品同有趣嘅互動遊戲,加深對國家安全嘅認識。