@ 
適逢今年係國慶75周年以及提出總體國家安全觀10周年，深水埗民政專員兼深水埗區議會主席黃昕然尋日(26/8)帶同一眾深水埗區議員參觀位於香港歷史博物館嘅國家安全展覽廳。
展覽有大展區，仲有好多具歷史價值嘅展品，例如《香港國安法》頒布實施當日喺天安門廣場前面飄揚嘅國旗、雪龍二號模型、「開國大典」油畫官方複製品等，大大加深咗大家對建國歷史同國家發展嘅認識。展館亦有好多互動體驗，例如三維短片 、3D懸浮體驗 、國安知識問答遊戲等，以生動有趣嘅方式推廣維護國家安全嘅精神，令人讚歎 。
展品除咗有重要嘅文化價值外 ，亦體現咗國家安全對祖國繁榮穩定發展嘅重要性。喺導賞員嘅介紹下 ，區議員都對祖國歷史 同國家安全建設有更深入嘅了解 ，亦都有助全面貫徹落實總體國家安全觀 ，未來進一步做好地區工作啦 ！
