@ 
九龍城民政專員兼九龍城區議會主席蔡敏君8月26日帶領一眾九龍城區議員參觀位於香港歷史博物館 嘅國家安全展覽廳，深入了解全民維護國家安全嘅重要性 。
國家安全展覽廳佔地面積超過1,100平方米，係香港首個實體國家安全教育基地。展覽廳設有大展區，有系統咁介紹國家安全各個領域，亦展出多項珍貴展品，例如月球土壤 、《香港國安法》頒布實施當日喺天安門廣場飄揚嘅國旗、高6米嘅長征五號B運載火箭1:9模型等。
透過導賞員介紹，專員與一眾區議員都更深入認識祖國嘅歷史同全民維護國家安全嘅重要性 。議員更大讚展覽廳不單內容豐富 ，其中嘅三維短片、互動遊戲 、「國安小衛士」動畫等，更為展覽增加趣味 。
大家都表示，今次參觀有助佢哋喺區內推廣國家安全教育，弘揚愛國主義精神，並會向區內居民宣傳國家安全展覽 ，組團前來參觀，鼓勵九龍城街坊積極參與國家安全建設 ，協助全面貫徹落實總體國家安全觀 。
@