@ 
清明節係緬懷先人，慎終追遠嘅日子。大家喺祭祖掃墓時 ，記得要小心火種，確保火種熄滅後先好離開 。
為加強宣傳防火信息，元朗區防火委員會喺啱啱過去嘅星期日（29/3），聯同元朗民政處、消防處 、元朗六鄉、社區應急先鋒、民安隊、聖約翰救傷隊及一眾義工 ，特別到元朗嘅鄉郊地方宣傳 ，提醒大家愛護林木 ，防止山火 ！
除咗29/3嘅宣傳活動外，元朗區防火委員會早前已於區內懸掛宣傳橫額 同張貼海報 ，提醒市民注意火種 ；民政處更安排修剪 認可殯葬區附近小路嘅雜草 ，元朗地政處亦有協助 增加個別地點嘅剪草工作 ；消防處 則加派人手喺較高風險地點，配合無人機 加強巡邏，隨時候命 ，務求盡最大努力減低山火風險 ！
防止山火，人人有責 ！記得燃點香燭冥鏹前，先將四周雜草清理乾淨 ，同埋要用化寶盆焚燒冥鏹，千祈唔好焚燒垃圾或野草 。離開前，務必確認所有火種完全熄滅 。
齊心合力，愛護林木；防止山火，人人做到！
