@ 
喺啱啱過去嘅星期日(29/3)，由飛越啟德主辦、九龍城民政處及啟德體育園協辦嘅AXA安盛呈獻「啟德飛步跑2026」已經完滿舉行！
今年嘅賽事分為3公里及10公里，以啟德體育園為主場，透過精心設計嘅獨特路線，畀跑手喺比賽嘅同時，可以飽覽園區內嘅景觀同設施，亦可沿啟德海濱享受維多利亞港嘅壯麗景色，感受啟德區嘅獨有魅力！九龍城民政專員蔣志豪亦一同參與賽事，同大家一齊體驗運動嘅樂趣。
今年反應十分熱烈，有超過4,300名跑手參加！活動除咗有挑戰組之外，仲有青少年組同繽紛組，大家都樂在其中，充分體現「全民運動」！
展望未來，民政處會持續與地區組織一齊推動社區健康，推廣「全民運動」！
提提大家，「18區日夜都繽紛@龍城美食潑水泰繽紛2026」將於11/4至12/4喺九龍城賈炳達道公園舉行，記得預留時間參與喇！
