@ 
九龍城賈炳達道公園將於今個星期六、日（即4月11至4月12日）舉辦嘉年華同設置指定潑水區，讓市民及遊客體驗傳統泰國新年氣氛。
除此之外喺星期日（即4月12日）下午4:30至下午5:30會有個泰式巡遊。為保障公眾安全，警方會實施間歇性嘅人車分隔封路安排。
巡遊期間警方會封閉打鼓嶺道、城南道、龍崗道以及相關路段嘅衙前圍道。駕駛人士請留意交通標誌及現場警方指示。巴士服務亦會喺封路期間有所更改：巴士路線10號同埋2D號之臨時巴士站會設於賈炳達道（西行)位於九龍城廣場對面，以及樂善道（東行）獻主會溥仁小學外。
