@ 
今日（4月8日）嚟到天主教慈幼會伍少梅中學，同53位少數族裔青少年一齊探索未來職業路向！
開場先由葵青警區警民關係同事介紹「Project Go Front」計劃，鼓勵少數族裔青年投身紀律部隊，發揮所長 。
仲邀請咗葵青警區輔警 Mohammad Fazan（啊朗） 親身分享 ：
點解決心投考輔警？途中遇到嘅困難（語言障礙、文化適應）點樣逐一克服？佢嘅故事令全場都好感動，亦證明少數族裔一樣可以喺警隊發光發亮！
除此之外，由 Foundation of Youth Development 嘅代表，講解少數族裔青少年升學資訊 ，幫同學規劃前路，提供多元化進修階梯～
全場互動氣氛熱烈 ，同學踴躍提問，對輔警工作同升學方向都表現出濃厚興趣！
Project Go Front 會繼續走入校園，連結少數族裔青少年，攜手共建共融社區。
