@ 
為促進香港同湖南省永州市兩地青少年喺體育及文化層面嘅交流，深水埗體育會、深水埗居民聯會及香港永州聯誼會攜手主辦「永港之星．日升站」青少年足球友誼賽，為深水埗區青少年提供走出香港、與內地同齡人切磋球技嘅珍貴機會。
主辦單位喺出發前（1/4）舉行簡單而隆重嘅授旗儀式，深水埗民政專員王浩宇、深水埗體育會主席梁鉅海、深水埗居民聯會理事長陳偉明及區議員吳婉秋為一班深水埗年輕球員送上祝福與鼓勵。主禮嘉賓勉勵球員秉持「友誼第一，比賽第二」嘅精神，把握難得嘅交流機會，切磋球技之餘拓展視野。
備受矚目嘅友誼賽日前（6/4）喺永州市體育場舉行。即使比賽當日細雨綿綿，仍無阻現場嘅熱烈氣氛，觀眾席座無虛席。兩隊球員奔馳於綠茵場上，汗水與笑容交織，展現青春活力與頑強鬥志，同時體現團隊合作、堅持不懈及互相尊重嘅運動精神。
希望今次友誼賽能夠為隊員個人同埋足球隊嘅成長帶來寶貴養分，為未來更好嘅發展奠下基礎。
