@ 
今年暑假，招商局集團職工聯誼會、香港中國企業協會青年委員會、窩心社區公益服務、公民力量、嚴剛立法會議員辦事處、郭宣彤區議員辦事處、董健莉區議員辦事處及沙田民政處合辦「招」你一起看祖國 - 香港青年大灣區創科交流團（第2期），60名沙田區嘅老師及青年日前（22-23/8）到訪廣州及深圳，了解大灣區最新發展。
沙田民政專員余懷誠擔任榮譽團長，隨團嘉賓成員包括立法會議員嚴剛、招商局倉碼運輸副總經理吳彥文、公民力量主席潘國山、沙田區議員暨窩心社會服務創會會長郭宣彤及沙田區議員董健莉。
交流團行程緊湊，參加者第一日先到招商局歷史博物館 ，了解內地工商業發展史 ，之後到5G智慧碼頭 參觀媽灣港智能操作中心，了解自動化操作集裝箱碼頭嘅運作。最後仲去咗廣州南沙資訊科技園，體驗全球商用無人機企業中排名第一嘅大疆創新無人機嘅創科技術 。
第二日就到訪內地重點建設高校之一嘅暨南大學，與當地學生代表進行交流。佢哋之後仲參觀有《健力士世界紀錄大全》「最大科學中心」稱號嘅廣東科學中心，欣賞多個具特色嘅科學展館。
交流團圓滿結束 ，一眾參加者都話旅程獲益良多，加深咗對內地經濟 、創科 及教育 嘅認識，更了解到大灣區發展嘅機遇同前景 。
@