@ 
為響應4月15日嘅「全民國家安全教育日」，上周六，大埔民政處聯同多個團體喺大埔超級城舉辦咗「大埔區《國安·家好》同樂日2026」 。適逢國家「十五五」規劃開局之年，加上今年2月中央政府發布咗《「一國兩制」下香港維護國家安全的實踐》白皮書 ，讓我們更深切體會到國家安全教育嘅重要。
活動嚟到第4年，依然精彩連連！上午節目包括大埔區中小學公民常識問答比賽總決賽及頒獎禮 ，同學仔表現出色，活動並獲民政總署署長杜潔麗親臨主禮及頒獎。同場亦舉行大埔區優秀警務人員頒獎禮，以及大埔區青年網絡海陸空義工團頒獎禮 ，表揚默默守護社區嘅英雄 及一班熱心服務社區嘅年輕人。
表演節目方面好榮幸邀請到香港警察樂隊現場演奏三首扣人心弦嘅樂曲 ，而下午舞台同樣熱鬧，超過20隊來自大埔區嘅學校同團體帶嚟舞蹈 、鼓樂 、唱歌 、樂器演奏 等多樣嘅表演，市民都目不暇給 ！
活動現場更設有國家安全教育展覽以及多個由大埔區少年警訊與關愛隊精心準備嘅國安主題攤位遊戲 ，街坊朋友唔單止學到嘢，仲換到精美紀念品 ，真正滿載而歸！
活動由大埔民政處、大埔區撲滅罪行委員會同埋大埔區青年發展及公民教育委員會合辦，大埔警區、大埔區青年網絡、大埔區關愛隊、香港太平紳士協會及天龍慈善基金協辦，並獲多個地區團體支持。
