@ 
由屯門民政處、屯門警區及屯門各界協會合辦嘅「屯門區全民國家安全教育日2026暨『國安家好』比賽頒獎典禮」喺11/4於兆麟社區會堂順利舉行。
活動由屯門民政專員關可臨、中聯辦新界工作部處長李偉希、立法會議員兼國安導師莊豪鋒、屯門警區指揮官馬偉卿、屯門各界協會執行主席雲天壯等嘉賓主禮，同「國安家好」比賽得獎者分享喜悅 。今年「國安家好」比賽項目多元化 ，包括親子填色、標語創作、國安主題嘅網上問答比賽，以及中學競速項目。活動得到屯門區51間中、小、幼學校超過6,400位學生嘅支持 ，佢哋積極與家人及朋友分享國家安全信息，協助將信息傳遞至校園每一個角落 。
活動現場展出咗總體國家安全觀嘅資訊，以及《「一國兩制」下香港維護國家安全的實踐》白皮書嘅內容介紹。大會安排咗國家安全教育地區導師進行導賞，介紹國安信息，讓參加者從中了解更多國家安全嘅唔同領域，推動國家安全教育嘅資訊 。活動同時有網絡安全信息分享環節 及屯門區學生嘅精彩表演 ，少年警訊同耆樂警訊嘅朋友都一齊支持 。
屯門民政處將會繼續與不同地區團體合作，響應「全民國家安全教育日」，將國安資訊傳遞給市民 。
為咗持續推廣國安信息同分享今次「國安家好」比賽得獎者嘅作品，大會將於4月到5月喺區內嘅社區會堂同社區中心安排4場巡迴展覽，配合國安導師進行導賞，歡迎大家參觀 。
4月11日 – 20日｜兆麟社區會堂
4月21日 – 27日｜井財街社區會堂
國安資訊導賞：4月25日 (下午2至4時)
4月28日 – 5月4日｜良景社區中心
國安資訊導賞：5月2日 (下午2至4時)
5月5日 – 11日｜龍逸社區會堂
國安資訊導賞：5月9日 (下午2至4時)
