@ 
夏季來臨，喺大家享受冷氣機帶嚟透心涼嘅同時，如果冷氣機未有妥善維修及保養，就有機會出現滴水問題。
食環署油尖區及旺角區環境衞生辦事處分別喺16/4同17/4一連兩日舉行「打擊大廈冷氣機滴水、改善社區環境」宣傳活動啓動儀式。
油尖旺民政專員李家維聯同油尖旺區議員及關愛隊成員都去到現場幫手宣傳，全力支持。
今年食環署除咗會加強巡查及執法外，亦會強化公眾教育。油尖旺區議員及關愛隊會繼續同部門攜手合作，推動市民積極處理冷氣機滴水問題。
大家記得要定期檢查同妥善維修冷氣機，共同營造更清潔、更宜居嘅生活環境 。
