@ 
60位青少年日前（13-17/8）參加咗 沙田青少年四川體育生態學習團 ！沙田民政助理專員Carmen擔任團長，同大家到四川省成都市 ，透過親身體驗，多角度深入了解當地歷史文化與自然生態 。
歷史與文化體驗
團員參觀咗灌縣古城、都江堰水利工程同杜甫草堂等歷史文化名勝 ，深入了解四川嘅歷史背景同文化底蘊。喺汶川5.12漩口中學地震遺址，導遊以自身經歷勸勉年青人珍惜眼前，活在當下。團員仲同民政及青年事務局常任秘書長林雪麗及青年發展委員會副主席梁毓偉會面，分享四川遊學心得 。
教育與實踐活動
四川香港馬會奧林匹克運動學校嘅學生同教練 帶領團員體驗跆拳道、田徑同武術，從交流切磋中建立友誼 。最後一晚嘅分享會，特區政府駐成都經濟貿易辦事處副主任Eric專程到場，聆聽同學仔嘅旅程感受 。
自然與現代景點
團員探訪咗臥龍中華大熊貓苑神樹坪基地 同成都海濱城浩海立方海洋公園 ，感受自然生態魅力，體驗現代科技帶嚟嘅娛樂 。大家亦到川菜博物館大展身手，烹煮辣子雞丁 ！四川美食文化果然名不虛傳！
5日4夜嘅學習團已圓滿結束，團員對四川嘅歷史文化 、自然生態 及體育發展都有深刻體會 ，獲得滿滿嘅珍貴回憶 。
沙田青少年四川體育生態學習團由香港賽馬會贊助、沙田民政處及沙田區青年網絡支持、沙田區青年發展及公民教育委員會及香港青少年服務處賽馬會恆安綜合青少年服務中心合辦。
@