油尖旺民政處繼續為風雨季做好準備

為咗應對嚟緊嘅風雨季，油尖旺民政處今日（24/4）聯同渠務署去到區內其中一個容易淤塞嘅地點（尖沙咀介乎加連威老道同柯士甸路嘅一段漆咸道南）視察。

油尖旺民政專員李家維向渠務署總工程師了解喺市政局百週年紀念花園嘅地下蓄洪池工程進度，工程完成後將可進一步降低區內水浸風險。

李專員及渠務署代表之後聯同區議員及當區關愛隊小隊去咗附近商戶及大廈管理處派發單張，作防水浸宣傳教育。

民政處嚟緊會繼續與不同部門合作，做好準備，防範風雨季及極端天氣。