@ 
為應對今年嘅雨季，減低水浸風險，九龍城民政處協調各個政府部門，採取各項風險緩減措施，喺雨季中保障市民嘅安全。
九龍城民政專員蔣志豪早前（18/3）聯同渠務署、食環署及路政署到九龍城區內有水浸風險嘅地點進行實地視察，先後走訪港鐵九龍塘站、何文田站及啟德體育園主場館等重要民生設施嘅周邊，了解各地點嘅水浸紀錄及風險。各部門亦向專員詳盡匯報預防水浸及應對雨季嘅工作，例如加緊清理路邊水渠以避免雜物阻礙排水，確保區內預防水浸嘅工作妥善做好。蔣專員勉勵各部門要緊守崗位，同時加強部門間嘅溝通同合作。
九龍城民政處喺未來數月會繼續同各部門攜手做好預防及應急工作，喺風雨中保障市民嘅安全。
@ 
@