@ 
為加強支援有精神健康需要嘅人士，醫務衞生局聯同九龍城民政處日前（27/8）為九龍城區關愛隊舉辦首堂精神健康急救課程 。課程內容除咗涵蓋如何識別精神健康問題，亦講解如何協助有需要人士尋求專業服務。
隊員喺小組討論環節踴躍發言，積極提問 ，並將日常喺地區服務遇到嘅個案同問題與專業導師分享討論 。隊員話課程內容豐富實用，除左加深對精神健康問題嘅認識，亦掌握到提供初步協助嘅溝通技巧。隊員均表示會努力完成四堂專業培訓課程，裝備自己，為社區提供更優質同全面嘅關愛服務。
九龍城民政處會繼續與不同機構合作，為關愛隊提供多元化嘅訓練課程；而九龍城區關愛隊喺未來會繼續凝聚社區資源，同各界攜手建立共融有愛 、關懷滿滿嘅社區。
@