@ 
深水埗有好多少數族裔居民 ，為咗令佢哋更融入社區，深水埗民政處舉辦咗一連串種族融和活動，27/8仲喺新家園協會舉行匯演。
除咗有少數族裔同學嘅手作布藝、靚靚化妝之外 ，仲有Bollywood舞蹈同AI生成繪圖活動。一位巴基斯坦媽媽煮嘅乳酪雞脾 ，個個都食到舔舔脷 ，讚不絕口 ，美食真係世界嘅共同語言。活動仲搵埋醫藥通創辦人Albert，介紹將藥物資料自動翻譯成少數族裔語言，方便佢哋理解使用指示，甚有實用潛能。
現場有超過100位少數族裔及本地青少年朋友參與，了解彼此種族文化。深水埗民政處會繼續推動種族融和計劃，促進社區共融 。
深水埗民政專員黃昕然、區議員兼新家園協會總監梁秉堅都有出席活動。
