60位黃大仙及觀塘區議員喺兩位民政專員兼區議會主席嘅帶領下,日前(23-26/8)到上海參加為期四日三夜嘅第七屆區議會議員培訓班 。

四日培訓課程十分緊湊,一眾區議員參與一系列關於社區治理嘅專題課堂 同實地教學 ,透過多元化課程內容,了解內地基層治理架構及如何推動居民參與社區建設,喺社區發揮更大力量 。

基層治理人員分享 提升居民社區參與

區議員今次有機會直接同政府服務單位及社區組織負責人等交流學習 。除咗知道唔同地區組織嘅功能同服務對象外,仲喺講者身上了解如何照顧唔同背景居民嘅需要 ,以及鼓勵居民參與社區治理。
基層治理人員亦分享如何善用資訊科技 ,加強同市民嘅聯繫,擴大互助網絡;亦會與唔同政府單位及居民組織分工合作 ,解決各項地區難題。與此同時,佢哋更透過日常服務廣納賢能,一同參與社區建設,提升居民嘅社區參與同歸屬感 。

實地考察 - 活化舊區、創造公共空間、提供公共服務平台

區議員亦到位於黃浦江沿岸嘅楊浦濱江考察 。當地係上海面積最大、人口最多、岸線最長嘅中心城區。該區以前係工業區,聚集大量工廠 、倉庫同碼頭,現時已經改造為繁榮興盛嘅濱水空間同商務空間 ,早幾年仲開放咗長達2.8公里嘅公共岸線,為居民創造大量公共空間。相信楊浦濱江嘅轉型經驗能成為香港巿區活化嘅參考,為居民締造更宜居嘅社區。

區議員仲參觀咗人民城市規劃展示館。該館展示楊浦濱江嘅歷史之餘,更設人民講壇、人民建議徵集工作平台等互動場館 。區議員亦參觀咗古北市民中心,該中心為中外居民提供公共服務平台,並且就政府嘅立法建議收集居民意見。

區議員衷心感謝今次國務院港澳辦、上海市人民政府同上海行政學院嘅悉心安排 ,並表示培訓班令佢哋獲益良多,會將學到嘅經驗運用喺自身社區,貫徹爲民服務嘅精神,為市民帶來更美好嘅生活環境

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *