Chill級青年@北區 – 電競王者榮耀之戰

電競呢幾年嘅風頭一時無兩，有唔同嘅國際大賽競逐王者，電競選手組隊參賽既可以識多啲戰友，又可以培養團隊精神，香港仲啱啱出咗個世界冠軍添，所以電競非常受青年歡迎！近日，北區民政處同路德會賽馬會雍盛綜合服務中心舉辦咗一次電競賽，試煉邊位參賽者係擁有榮耀嘅王者！

比賽反應踴躍，名額好快爆滿！比賽戰況激烈，各位參賽者都表現出色，雖然好多參賽者係第一次組團出戰，但係都默契十足，令人刮目相看！未落場嘅參賽者就互相交流戰術，順便認識新朋友。比賽仲請嚟專業評述，講解每個回合，將現場氣氛推到最高！