@ 
政府上年喺深水埗成立第一間社區客廳 ，透過政、商、民合作 支援劏房家庭 。
今年6月，深水埗第二間社區客廳已率先試行營運，仲喺8月29日舉行開幕禮 。
社區客廳配套設施完備，包括共享廚房、學習及活動室、兒童遊樂設施、健體設施及自助洗衣設備等。開幕嘉賓了解到社區客廳提供嘅支援及轉介服務，現場會員亦同嘉賓分享喺共享廚房入廚之樂 ，同埋平日喺客廳嘅生活點滴，鄰里氣氛非常愉快！
呢間社區客廳雖然只係開咗約2個月，但已經有300名劏房居民成為會員，可見社區客廳有效精準扶貧。而深水埗民政處仲安排為社區客廳加裝富有地區特色嘅積木牆，吸引街坊眼球，行過路過都可以入去望吓！
南昌社區客廳位於深水埗南昌街 ，由聖雅各福群會負責營運。
