@ 
長洲太平清醮將於21/5至 25/5舉行，其中飄色會景巡遊將於24/5（星期日）舉行。為配合會景巡遊等一系列活動順利舉行，政府當局會加強打擊島上違例停泊或棄置嘅單車同阻塞街道嘅雜物，並會於19/5至24/5期間，封閉部分單車停泊處，以確保會景巡遊路線及主要通道暢通，令各項活動順利進行。
離島民政處亦已聯同長洲鄉事委員會及多個政府部門，於14/5喺島上派發單張，呼籲市民自律守法，謹慎使用及妥善停泊單車。請大家齊心協力，共同維護島上嘅交通安全及秩序，一齊確保節慶順利進行。感謝各位嘅理解與支持，預祝節日愉快！
@ 
@