@ 
1.踏入2026年第二季，油尖旺民政處繼續統籌跨部門聯合行動，改善環境衞生。
今日（14/5），民政處同相關部門去到旺角德昌街行人天橋橋底，清理約8000公斤堆積雜物及垃圾，食環署亦發出咗兩張移走障礙物通知書。
部門亦清理咗橋底嘅塗鴉及清洗地面，附近環境變返乾淨。
多謝區議員許德亮到場見證、各部門同事及清潔工友嘅幫忙，亦感謝相關人士配合，喺行動前自行清走部份雜物。
2. 上月中(16/4)，民政處喺旺角康樂街再度統籌聯合行動，同部門合作清理建築廢料及打擊店舖阻街。
行動中，清理咗約250公斤垃圾及約3噸無人認領嘅建築材料及建築廢料，區議員黃舒明到場觀察。
警方亦向違例泊車抄牌，以保持道路暢通。
