@ 
為港爭光，大埔之光！鄧俊文同謝影雪早前喺8月代表香港完成巴黎奧運賽事後，隨即參加世界羽聯巡迴賽超級750日本公開賽，「鄧謝配」越戰越勇，最後勇闖決賽，惜負國家隊組合摘銀。
俊文係大埔土生土長原居民，自幼就喺大埔體育會練習羽毛球，可以話係大埔瑰寶。為表揚俊文為港爭光及對地區體育嘅貢獻，大埔社區各界人士特意舉辦祝捷晚會，出席人士有大埔民政專員陳巧敏、張學明大紫荊勳賢、大埔體育會主席蔡錦光及大埔商會主席陳佩添。
俊文一直非常支持大埔民政處嘅地區工作。除了支持青年活動外，俊文喺晚會上亦特意感謝大埔多年嘅孕育及栽培，感受到大埔各位嘅厚愛。
祝願俊文百尺竿頭、更進一步，繼續為港爭光！
