@ 
尋日（3/9）嘅油尖旺區議會大會，傾咗八項民生事務，醫管局就嚟簡介啟德新急症醫院進度。
新醫院落成後，區內伊利沙伯醫院嘅大部分臨床服務（包括住院和急症室）會搬過啟德。
上個月，油尖旺區議會主席余健強同區議員就去咗參觀「伊院」新翼，嗰度日後會繼續為病人提供專科門診及日間服務等。
區議員呢幾個月仲參觀咗國安展覧廳、高鐵站、紅磡站、廣華醫院、廉政公署等，嚟緊仲會去西九和理大。
之後幾星期，油尖旺區議會嘅五個委員會會輪流開會，歡迎幾位增選委員：
* 張敬龍機師（香港專業飛行員協會主席）
* 符迪醫生（香港專才及優才協會醫療委員會主席）
* 何卓峰先生 （旺角區友好服務協會主席）
* 林順杭先生（西九管理局高級交通及運輸工程師）
* 陳淑儀女士（油蔴地天主教小學（海泓道）校長）
* 黃安媚女士（明我幼稚園（奧運校）校長）
* 吳子倫先生（霍啟剛議辦研究主管）
