@ 
熱帶氣旋摩羯 迫近本港，民政事務總署署長張趙凱渝、副署長王婉蓉同埋離島民政專員楊蕙心9月4日午馬不停蹄 ，聯同離島大嶼山關愛隊 及大澳鄉事委員會，到大澳了解預防水浸措施，並提醒居民做好預防措施。
為減低風暴對大澳居民可能造成嘅影響，離島民政處及有關部門正按「大澳嚴重水浸緊急應變計劃」 ，做好應對風暴嘅準備，包括最新安裝嘅透明防洪牆 、裝置擋水板 、清理渠道 及向居民提供沙包等等，防範未然。
此外，署長一行視察咗設於鄉委會嘅臨時庇護中心及大澳嚴重水浸聯合指揮中心 ，了解有關預備工作；亦向沿途商戶同居民，派發防風資訊單張 ，及了解居民是否需要幫助。期間更探訪一位住喺石屋嘅婆婆，了解佢 嘅需要。
各區民政處將會上下一心 ，繼續堅守崗位，密切留意風暴情況，並會同其他政府部門保持緊密聯繫，盡力為居民提供適切嘅協助 。
@ 
@