@ 
沙田區撲滅罪行委員會、沙田區議會提振地區經濟專責工作小組、民間反詐騙大聯盟、心連心基金會、沙田區家長教師會聯會上星期六(31/8) 喺馬鞍山新港城中心及馬鞍山廣場，合辦「政商民齊心反詐騙暨振興經濟嘉年華」 ，向市民大眾推廣防騙信息、打擊詐騙罪行 ，以及振興地區經濟 。
律政司副司長張國鈞、民政總署署長張趙凱渝等嘉賓蒞臨主禮。而主辦單位之一民間反詐騙大聯盟發起人兼立法會議員吳傑莊同心連心基金會顧問兼立法會議員林素蔚亦有到場，一齊為宣傳防騙信息同提振經濟出一份力 。
嘉年華節目豐富，包括講座、話劇 、苦主親身分享、免費法律諮詢、攤位遊戲 、夾公仔機 、吹氣彈床、韓式照相機 及精彩表演，仲有豐富禮品 ，場面熱鬧。
活動喺多個團體共同努力下 順利舉行 ，場地得到新港城中心及馬鞍山廣場贊助 ，而商戶亦積極喺活動中派發優惠券。沙田區家長教師會聯會派出義工 協助攤位遊戲運作，而香港童軍總會新界東地域派出童軍 協助維持秩序。
嘉年華活動氣氛熱鬧 ，大人同小朋友都樂在其中 ，大家喺暑假結束前渡過咗個愉快週末 。
@