@ 
東區民政處聯同香港東區各界協會，9月4日喺北角社區會堂合辦「東區學習宣傳貫徹中共二十大三中全會精神分享會」，邀請咗港區全國政協委員、立法會議員兼香港島各界聯合會理事長蘇長荣同立法會議員梁熙，向參加者分享全會通過咗嘅《中共中央關於進一步全面深化改革、推進中國式現代化的決定》精神、重點內容以及對香港嘅啟示。分享會由東區各界協會會長溫俊文擔任主持。
分享會有超過400名參加者出席，包括東區區議員、「三會」委員、兩個青年委員會委員、關愛隊隊員、同鄉社團及地區團體代表同埋一班街坊，顯示東區地區領袖對三中全會嘅重視同熱誠。
東區民政專員陳尚文喺致辭時同大家回顧政府過去幾年鞏固「一國兩制」基礎嘅舉措，包括完善選舉制度、推行完善地區治理方案及通過23條立法，並引述特首所講，呼籲大家喺各自崗位上將三中全會精神融匯貫通，為中國式現代化全面推進強國建設、民族復興偉業作出貢獻。
東區地區領袖都從中有所得着，日後會協助推廣三中全會精神，並更落力推動各自嘅地區工作，貢獻香港同國家！
