@ 
中西區分區委員會一直關注地區事務。堅尼地城及石塘咀分區委員會3/9就聯同中西區民政處，巡視分區範圍內嘅堅彌地城海旁、卑路乍街、西祥街及吉席街等，了解有關地點嘅交通安全及環境衞生情況，並提出意見及建議。
另外，為加強分區委員會與區內社福機構嘅溝通及交流，委員亦都探訪咗恩悅綜合家庭服務中心，了解中心如何運用社區資源，支援有需要嘅家庭。委員細心聆聽中心負責人嘅講解後，亦都積極發表意見。
因應颱風迫近，委員亦視察咗分區內經常出現水浸嘅地點，並向相關部門提出建議，以保持渠道暢通，減低水浸風險。
中西區分區委員會會繼續同政府部門及區內不同持分者，致力攜手締造更美好嘅中西區。
@