@ 
點解打波先嚟落雨㗎⋯好彩好彩，颱風已過，令港島總區防騙3x3籃球初賽可以繼續順利喺紀律部隊人員體育及康樂會舉行！
參賽隊伍分別來自港島區內U12、U14、U16及U18學校嘅男、女子隊伍。各參賽隊伍都施展渾身解數，鬥得難分難解，十分激烈！ 經過一番龍爭虎鬥後，一班脫穎而出嘅出線隊伍就可以參加9月14日，喺灣仔修頓戶外籃球場嘅決賽啦。到時，仲有神秘嘉賓到訪添！大家密切留意啦！
9月14日當日除咗有籃球決賽之外，現場仲設有防罪嘉年華，包括攤位遊戲同免費雪糕派發，歡迎廣大市民一齊嚟為各支球隊打氣同親身感受吓當日嘅熱鬧氣氛啦！