@ 
關心社區途徑多，一齊睇吓青年同關愛隊喺過去周末 (8/9) 點樣身體力行，關懷社區 。
1.2023-2024「小紅花科創家」社區實踐獎勵計劃
香港長者人數持續上升，家居安全至關重要 。
有見及此，「小紅花科創家」社區實踐獎勵計劃鼓勵學生應用STEM知識 ，設計唔同作品，協助提升長者家居安全。今次比賽嘅得獎作品仲係由100位深水埗區長者試用後選出嚟㗎！
深水埗民政專員黃昕然同同學仔交流期間，發現計劃作品能多方面照顧長者生活品質，例如提醒長者有煤氣洩漏風險嘅裝置 、通過RFID技術提醒老友記出門記得帶銀包同鎖匙、為手腳唔靈活嘅老友記着褲等，全部都係同學了解長者生活需要後所精心設計嘅作品 。
深水埗民政處會繼續致力推動青年創科發展，引入更多樂齡科技，關顧區內長者生活需要 。
計劃由成長希望基金會與騰訊基金會合辦，最後有8隊入圍隊伍。
2.深水埗關愛隊：深水埗東國慶嘉年華 +人月團圓迎中秋綜合表演
深水埗不同小區關愛隊9月8日喺區內舉辦嘉年華同綜合表演 ，與街坊迎中秋、賀國慶。
國慶嘉年華由龍坪及上白田、下白田、又一村、南山、大坑東及大坑西小區關愛隊合辦，水務署署長黃恩諾亦有出席。除咗有各關愛隊同政府部門設立嘅攤位遊戲外 ，仲有幼稚園同學仔打中國鼓 、變臉 等精彩表演。至於中秋綜合表演則由南昌中小區關愛隊舉辦。關愛隊同街坊猜燈謎 ，欣賞舞蹈表演 ，氣氛熱鬧 ！
立法會議員鄭泳舜、梁文廣、深水埗助理民政專員賴皓亭、石硤尾消防局局長周沃沛、深水埗區議員陳偉明等，都有出席支持國慶嘉年華和中秋綜合表演。
@ 