@ 
為提升市民嘅防騙意識，警方新界南總區早前推出安樂窩計劃。為響應計劃，葵青民政專員鄧顯權聯同葵青區關愛隊、新界南警區、葵青警區、葵青區區議員、葵青區撲滅罪行委員會🙎同葵青區少年警訊等，喺7/9分別到葵涌邨、大窩口邨及石籬（二）邨進行家訪，喺區內公共屋邨 宣傳防騙信息 ，務求做到「 防騙信息入屋，居民樂業豐足 」。
家訪後，關愛隊 仲參加埋防騙音樂會 。現場有葵青區少年警訊及警察民歌結他隊，分別表演K-Pop 及busking ，仲同嘉賓及街坊合唱防騙歌曲「凡事無免費」。歌詞淺顯易明、 旋律輕快，大家好快就琅琅上口 。
大家都要記住歌詞：「凡事無免費」、「真假短訊要分清」、「Link咪亂撳」、「懶得理佢、告發佢、再block咗佢」，防騙信息唔只「入屋」，仲要「入腦」啊 ！
@ 