@ 
中秋將至，南區已經準備好同大家齊齊歡度佳節~
南區民政專員鄭港涌、南區區議員同增選委員早前就到香港仔海濱長廊打卡。先見到有壯觀亮麗嘅「四季名花」天幕，春夏秋冬嘅時花輪流喺天幕度展現，寓意四季平安。咦？原來仲有幾隻巨型大熊貓喺天幕度同大家招手！
行前少少，又會發現充滿節日氣息、造型漂亮嘅大型花燈，加上地上有流動嘅花朵投射，令大家都沉浸喺光影和花海當中。如此醉人嘅美景，好多市民都喺度開心打卡，喺漫天花海、光影交錯嘅海邊漫步，簡直勁浪漫、超溫馨！
驚喜又點止咁少？！喺附近每一個角落，都可以繼續搵到住喺南區嘅心肝寶貝——大熊貓嘅蹤影。呢度一共有75隻可愛嘅大熊貓同市民一齊慶祝（咦？點解有隻大熊貓自己走咗出嚟影相嘅？）
除咗香港仔海濱，黃竹坑大王爺廟外、鴨脷洲風之塔公園、港鐵利東站出口外，都一樣有咁燦爛奪目嘅燈飾同燈籠㗎，大家快啲嚟南區打卡慶祝，感受南區幸福嘅氣氛啦！
香港旅遊發展局都有喺Discover Hong Kong專頁嗰度向市民同遊客介紹中秋夜遊攻略，包括呢個「繽紛光影耀南區」，大家不妨都㩒入去睇睇‼️
https://www.facebook.com/photo?fbid=827723486231412&set=pcb.827723589564735
