@ 
新界社團聯會大埔地區委員會喺9-12/9主辦湖南民族文化考察團。中聯辦新界工作部副部長謝益明及大埔民政專員陳巧敏擔任榮譽顧問，大埔區議員黃碧嬌則為團長，帶領大埔區三會人士參與考察團。
考察團到湘西土家族苗族自治州實地考察，了解鄉村振興項目，以及國家協助鄉村發展及精準扶貧工作。
考察團先到達菖蒲塘村，由村書記周祖輝講解國家主席習近平「精準扶貧」嘅戰略及成功故事。其後參觀鳳凰周生堂公司，雙方就農旅融合新模式嘅企業文化作深入討論。大埔民政專員陳巧敏喺會議上介紹大埔發展情況，並分享大埔漁民與政府合作開發項目，與菖蒲塘村發展互相交流。
考察團隨後前往十八洞村苗寨，呢度就係2013年11月3日習近平首次提出「精準扶貧」方略、作出「實事求是、因地制宜、分類指導、精準扶貧」重要指示嘅地方！十八洞村苗寨不但係「精准扶貧」嘅倡議首發地，亦係目前鄉村振興嘅示範點！考察團亦喺參觀中了解苗族嘅生活習俗。
三會成員喺整個考察團獲益良多，除咗了解祖國嘅鄉村發展模式外，當中考察嘅寶貴經驗更為關愛隊舉辦活動時注入新思維，期待大埔三會及關愛隊會活用今次所學，繼續為社區服務！
