@ 
喺剛過去嘅暑假，觀塘民政處為區內青年網絡樂觀派舉辦「生涯發展及職業體驗計劃2024」。除咗早前分享過嘅行業體驗同講座外，同學仔仲參與咗好多工作坊同職業實習，過咗個充實暑假 ！
同學首先參加咗撰寫履歷表及求職信工作坊 、面試儀容（化妝髮型）和衣著配搭工作坊 以及面試技巧及模擬面試工作坊，加強求職技巧，務求喺面試時表現出自信同準備充足嘅一面，為僱主留下良好嘅第一印象 ，增加入圍機會。
做好求職準備之後，學員就去到唔同公司機構參與職業實習，增加實戰經驗 ，例如喺香港中華煤氣有限公司了解市場業務 ；領展可持續未來館擔任工作人員，協助舉辦再生工作坊 ；旺角/九龍維景酒店體驗前台部、餐飲部及迎接禮賓嘅工作 ；東華三院（東蒲）擔任場務助理安排體育館、活動室嘅設備 ；YM Balloon擔任實習氣球師 ；YM fleur 花樂誰家擔任實習花藝師 等。參與嘅同學仔都表示實習機會難得，更了解喺職場上遇到嘅挑戰同機遇 。
感謝一眾熱心嘅企業機構參與今年嘅計劃 ，為青年提供寶貴嘅實習機會，令佢哋喺未來求職路上更為得心應手 ，喺各行各業一展所長
