@ 
屯門警區防罪少年「屯」義工隊喺中秋前夕又出動啦！下個星期就到中秋節啦，9月13日屯門台山商會學校嘅少年警訊School Club嘅幹事同會員，就成為防罪少年「屯」義工一份子，聯同社會福利署「屯伴同行」照顧者工作小組，喺屯門大興邨為邨內獨居長者和照顧者派發月餅、水果和防罪宣傳單張，趁機會 向老友記宣揚防罪信息。
今次送愛行動，好多謝屯門區少年警訊名譽會長會贊助咗愛心中秋福袋～而且會長會主席陳惠龍先生，副主席殷志權先生，會長張璇菲女士、 羅偉武先生及楊啟宗先生更身體力行支持活動，帶住會員關懷老友記、表達社會對佢地既關懷，對照顧者作出關注及肯定！
同時屯門警區當然都出心出力支持咁有意義活動，由屯門警區副指揮官（行政）警司曾滿麟先生帶領JPC義工，宣傳防罪訊息，提醒佢哋時刻保持警覺， 鎖好門窗、小心財物、提防騙子!!!
今次JPC School Club 嘅小會員都話呢個『愛心中秋』活動好有意義，覺得好窩心呀！原來送個一個小福袋俾獨居老人，同公公婆婆傾下計，就已經溫暖佢哋整個中秋呀，發揮長幼共融精神，守互而家相助關愛精神。屯門警區少年警訊喺呢度祝福各位，平安健康，團團圓圓，中秋節快樂！
屯門區少年警訊已經設立咗小紅書帳戶喇！除咗小紅書，我哋仲有Instagram，請大家多多關注！
立即關注
小紅書
https://www.xiaohongshu.com/.../65fd04f7000000000600cbc3.........
https://www.instagram.com/tuenmundist?igsh=MTVqa3NtOGtpM2Z0cA==
@ 
@