@ 
摩羯過後，南區區議員同增選委員即刻馬不停蹄喺上周末同今個星期趁學生開學去到南區各個熱點擺放街站，向市民同同學仔介紹民政及青年事務局 Home and Youth Affairs Bureau 最新推出嘅HKYouth+手機應用程式同民青局嘅微信公眾號！
學生、家長以及老友記反應非常熱烈，即時下載 HKYouth+，並關注民青局嘅微信公眾號「香港民政及青年事務局」，仲話以後唔洗成日去社區中心睇有咩活動，打開個應用程式就一目了然，部分活動仲有即時報名功能，非常方便！
HKYouth+以生動漫畫為青年朋友提供各類冷知識、最新優惠同活動資訊，內容涵蓋個人發展、本地熱話、國家發展、藝術文娛、創新科技等。
南區嘅街坊想知近期有咩活動、去邊度感受地道文化🪭？喺度教大家兩招，只要喺HKYouth+輸入「南區」，你就會見到南區近期最hit最爆嘅活動 — 「香港仔中秋火龍盛會」，舞火龍咁具地區特色嘅項目點可以錯過呀！快啲下載HKYouth+手機應用程式睇睇活動資訊詳情啦！
嚟緊南區區議員同增選委員仲會喺南區其他地方擺街站，各位年輕朋友，行過路過，唔好錯過！得閒過嚟傾吓偈，交流吓，隨時會有驚喜發現！
@ 
@