@ 
觀塘區兩個大型打卡燈飾裝置今日起（14/9）喺觀塘市中心裕民坊自由空間正式亮燈喇！
民政及青年事務局 Home and Youth Affairs Bureau 局長 麥美娟、民政總署署長張趙凱渝、中聯辦九龍工作部社工處處長二級巡視員吳小玔、觀塘民政專員何立基、觀塘各界慶祝中華人民共和國成立75周年籌委會主席詹漢欽、觀塘區青年社區建設委員會主席張琪騰及市區重建局執行董事區俊豪蒞臨主持亮燈儀式 。
隨住嘉賓拉動亮燈裝置 ，經過精心設計嘅兩座色彩斑斕嘅燈飾隨即照亮觀塘，為觀塘區添上繽紛姿彩️ 。
第一組燈飾係由「KWUN TONG」立體字組成，市民從裝置嘅正面或上空以不同角度觀賞，都會睇到「KWUN TONG」字樣。每個字母均以不同嘅鮮明色彩顯示 ，帶出歡樂氣息 ，同時散發無限活力，展現觀塘區多采多姿嘅立體多元性。
另一幅大型燈畫就描繪咗觀塘集體回憶及獨有地標，包括裕民坊舊地標 、觀塘道架空鐵路 、鯉魚門牌坊 及觀塘海濱等；亦加入慶祝國慶75周年及中秋 嘅設計元素。設計概念源自觀塘社區，畀市民感受觀塘今昔嘅獨特魅力。
燈飾設計會展示至2025年初，開放時間為上午11時至下午1時，亮燈時間則為每晚6時至11時。趁住中秋佳節 ，快啲約埋親朋好友嚟到觀塘市中心裕民坊，一齊欣賞兩座充滿觀塘特色嘅燈飾裝置，打卡留念 ，感受節日喜悅 。
記得掃埋以下"觀塘有樂 Joy to Kwun Tong"QR Code，用觀塘大型燈飾主題嘅IG Filter嚟影相同分享相片，畀更多人感受到觀塘嘅獨有魅力 ！
@ 