@ 
大埔民政專員陳巧敏9月16日出席由塔門漁民村管理委員會主辦嘅「塔門漁民村建村六十周年慶典典禮」，喺塔門籃球場與一眾塔門嘅漁民熱烈慶祝建村 60周年 。
塔門村民同漁民熱情好客、樂天感恩。典禮上，佢哋感謝大埔民政處迅速處理塔門漁民新村至塔門碼頭一段約300米長嘅行人徑改善工程，將部分梯級改建為斜道，大大改善漁民新村內長者及行動不便人士嘅出行需要！大埔民政處會繼續留意區內不同社群嘅獨特需要，予以盡力配合同協助，讓不同社群都能夠喺大埔區安居樂業。
塔門位於吐露港赤門海峽大鵬灣之間嘅小島，係天然避風良港 ，亦係漁船嘅中途補給站。早年因地理因素，吸引上百艘漁船爭相停泊，人口突增。漁民家庭多居於停泊嘅破船上，引伸衞生與火災等問題。有見及此，政府撥出一幅官地，並由當時嘅鄉賢及慈善團體於1964年成立塔門漁民新村，讓村民安居樂業 。
大會舉辦一連3日嘅嘉年華慶典活動。除咗有多位粵劇名伶以精湛造詣演出經典劇目，更有國粹變臉同麒麟醒獅助興。精彩演出為塔門祈求國泰民安，萬事如意。村民及遊人都睇得如痴如醉，以熱烈掌聲答謝。
其他出席活動嘅嘉賓包括立法會議員李梓敬、水警北分區指揮官葉振忠署理警司、西貢北約鄉事委員會主席李耀斌、塔門鄉公所管理委員會會長何大偉及塔門漁民村管理委員會主席石家榮。